(hierzu gibt's noch nichts zu hören) 

Immer wenn de denks

Refrain:

Immer wenn de denks, et läuf nix mieh,

immer wenn de denks, et jöv nix mieh,

denks de ald, et wör Schluss,

jeit et eets los.

Immer wenn de denks, dat brengk nix mieh,

immer wenn de denks, dat lohnt net mieh,

hält et Schicksal janz apart

för dich jet parat.

Immer wenn de denks, do kütt nix mieh,

immer wenn de merks, du wells net mieh,

pack dich langsam ald dä Fruss,

es längs noch net Schluss.

Denn, immer wenn de denks,

et wör ald Schluss,

jeit et noch ens janz vun vörren los.

Loss et kumme wie et kütt,

wat weede sull, wed!

Et Marie un dä Schäng, die hatte sich jään,

verhierot zick fünfunhalv Johr.

Se wullte och Pänz, doch su sehr hä och jlänz:

dä Draum, dä wood einfach nit wohr.

Eines Ovens am Desch bei Schloot un bei Fesch

et Marie luurt ihn jlöcklich ahn.

„Ich ben övver de Zick, et is bahl su wick.“

Drop trick Schäng et zo sich eran.

Immer wenn de denks, et läuf nix mieh, ...

Et Bärb' un dä Hein wore joot fürenein,

hatte viel Leev, doch bloß winnich Jeld.

Sing Firma bankrott, sing Ärbeit wor fott,

met fuffzich wor hä affjemeld.

Ne Euro für Lotto, dat wood ihr Motto -

 wor die Chance och noch esu klein.

Sechs Krützje - all richtisch !

Zusatzzahl - nit mieh wichtisch.

Kein Sorje mieh für Bärb und Hein.

Immer wenn de denks, et läuf nix mieh, ...