(Noch kein Soundschnipsel verfügbar; Hört bitte solange bei den anderen Stücken rein)

Dä kölsche Karneval

Karneval es doof, Karneval es blöd,

die Leeder sin vun jestern, die Redner vell zo möd.

Nur Dom un Kölsch un Mädcher, dat wor et dann och all,

dreimol Kölle, Tusch dobei, dat nennt mer Karneval.

Ne, Halt, dat losse mir su net ston, Mann,

mir schingk, du bes net op de Hüh.

För die, die’t Fiere en ihrem Bloot han,

för die es Fasteleer noch mieh:

  REFRAIN:

  Dä wahre kölsche Karneval

  En de Kneipe, em Jewöhl,

  Dat es vell mieh als bloß 'ne Maskenball,

  kütt us’em Hätz, es e Jeföhl.

  Un su fiere mir dä Karneval,

  jeder su wie’t em jefällt,

  zo jeder Zick und kwasi övverall,

  Spaß ze han, Freud ze maache, dat es dat wat zällt.

Un eets die Kostüme, die mancher sich antreck,                                 

Zom Laache en de Keller, op eimol sind se jeck.                                

Un üvverhaup läuf doch nix ohne Alkohol,                                          

ald morjens fröh die Fläsch am Hals, am Meddach sen se voll.

Ne, Halt, dat losse mir su net ston, Mann,       

ich jläuv, du häs et net jecheck.                       

Och ohne Schnaps künne mir Spaß han,         

Och ohne Pappnass sin mir jeck!                    

  REFRAIN:

  Dä wahre kölsche Karneval ...                                   

Doch wat maache mer jetz met denne,

die’t noch emmer net kapiert,                         

för die dä Fasteleer bloß Krawall es,              

wä zeich denne, wie mer richtich fiert? 

Die packe mir jetz am Schlafitsche,                 

die nemme mir jetz en dä Ärm,            

un dann singe mer zesamme,                           

eets janz langsam, ohne Lärm: 

  REFRAIN:

  Dä wahre kölsche Karneval ...