Op ener Tour, fän vun zehus, do hat ich et jesinn

- "Oh, wat es dat schön!"    

Doch dann zeröck en Kölle, wollt ich nur noch bei em sen,

- "Oh, wat es dat schön!"               

Och wenn et su wigg fott wunnt, wullt ich doch met em jon.

-  "Oh, wat es dat schön!"   

Ich saaht zo em: Leev Mädche, su jähn ich Dich och han,

eins dat muss Do doch verstonn:

Refrain:

Immer wenn dä Dom röf: “Noh Kölle!”,

mööch ich janz flöck zo em hin.

Immer wenn dä Dom röf: ”Kamelle!”,       

dann es Fastelovend am Rhing.

Immer wenn dä Dom röf: “(Ich han) Doosch!”,

bruch’ ich e lecker Kölsch.

Denn ohne ming Kölle, do weede ich verröck,

dröm moss ich jetz och flöck dohin zoröck.

Ming Mädche wunnt en Bayern, trotzdem han ich et jähn,

- "Oh, wat es dat schön!"

Ich dunn et öff besöke un es et och esu fähn,

- "Oh, wat es dat schön!"

Doch ben ich e paar Daach bei em, dann hüre ich en Stimm.

- "Oh, wat es dat schön!"

Dann sage ich janz leis zo em: „Su jähn wie ich och bei dir ben,

doch allmählich, do muss ich widder heim”, denn

Refrain:

Immer wenn dä Dom röf….

Un als ich dann us em Flejer su op ming Heimat luur

- "Oh, wat es dat schön!"

Da wor ich endlich widder esu richtig en d’r Spur.

- "Oh, wat es dat schön!"

Ich soß en mingem Zimmer un sehnte mich noh ihr,

- “Oh nee, dat wor nit schön!”

Do schellt et an d’r Wunnungsdür, ming Leevche stund vür mir,

nu denk ens, wat ich vun em hühr:

Refrain:

Immer wenn dä Dom röf: “Noh Kölle!”,

mööch ich janz flöck zo im hin.

Immer wenn dä Dom röf: ”Kamelle!”,

dann es Fastelovend am Rhing.

Immer wenn dä Dom röf: “(Ich han) Doosch!”,

bruch’ ich e lecker Kölsch

Ohne dich un ohne Kölle, do wed och ich verröck,

ich blieven he, jon niemols zoröck!